25.8 C
Amreli
06/08/2020
bhaskar-news

DCBના કોન્સ્ટેબલે ભૂપતના ડ્રાઇવરને ફોન કરી જીતુ સોનીને ભગાડી દીધો’તો: ક્રાઇમ બ્રાન્ચનો કોન્સ્ટેબલ તાકીદે સસ્પેન્ડ



ઇન્દોરના મોસ્ટ વોન્ટેડ જીતુને તરઘડિયાના ફાર્મહાઉસમાંથી ભગાડી દેવામાં પોલીસમેનની સંડોવણી હોવાનો દિવ્ય ભાસ્કરે પર્દાફાશ કર્યા બાદ પોલીસે સમગ્ર ભેદ પરથી પડદો ઊંચકી દીધો હતો. ક્રાઇમ બ્રાંચમાં ફરજ બજાવતા કોન્સ્ટેબલ પ્રદ્યુમ્નસિંહ ઝાલાએ ફાર્મહાઉસના માલિક ભૂપતના ડ્રાઇવર રાજુને ફોન કરી ઇન્દોર પોલીસ આવ્યાની જાણ કરી હતી, રાજુએ ભૂપતને ફોન કરી માહિતી આપી હતી અને જીતુને ભગાડી દીધો હતો. પોલીસ કમિશનરે કોન્સ્ટેબલને તાત્કાલિક અસરથી સસ્પેન્ડ કરી પીએસઆઈ પટેલની ટ્રાફિક શાખામાં બદલી કરી નાખી હતી.

ઇન્દોર પોલીસે રાજકોટ પોલીસની મદદ માગી હતી
જીતુ સોની તરઘડિયામાં આવેલા ફાર્મહાઉસમાં રોકાયો હોવાની ઇન્દોર પોલીસને માહિતી મળતા બુધવારે ઇન્દોર ક્રાઇમ બ્રાંચના પીએસઆઇ બલરામ સહિતની ટીમ રાજકોટ દોડી આવી હતી. ઇન્દોર પોલીસ રાત્રીના 10 વાગ્યે રાજકોટ ક્રાઇમ બ્રાંચના પીઆઇ ગઢવીને મળી હતી અને છેતરપિંડીના આરોપીને પકડવા માટે મદદ માગી હતી. ઇન્દોર પોલીસે આરોપીનું નામ કે તેના પર અન્ય કેટલા ગુના નોંધાયા છે, તે ક્યાં છુપાયો છે? તેવી કોઇ હકીકત આપી નહોતી. પીઆઇ ગઢવીએ નાઇટ ડ્યૂટીમાં રહેલા પીએસઆઇ પટેલનો ઇન્દોર પોલીસ સાથે સંપર્ક કરાવી અને ઇન્દોર પોલીસ ફોનથી જાણ કરે ત્યારે રાજકોટ પોલીસને મદદમાં જવાનું નક્કી થયું હતું.

અચાનક કોન્સ્ટેબલનો ફોન સ્વીચઓફ થઈ ગયો
પીએસઆઇ પટેલની ટીમમાં રહેલા કોન્સ્ટેબલ પ્રદ્યુમ્નસિંહ ઝાલાને ઇન્દોર પોલીસ આવ્યાની અને રાત્રે કોઇ સ્થળે દરોડો પાડવા જવાની માહિતી મળતાં જ રાત્રે 11.10 વાગ્યે પોલીસમેન પ્રદ્યુમ્નસિંહે ફાર્મહાઉસના માલિક ભૂપત ભરવાડના ડ્રાઇવર રાજુને ફોન કર્યો હતો અને ઇન્દોર પોલીસ આવ્યાની અને દરોડો પાડવાની વાત અંગે જાણ કરી હતી. રાત્રે 11.18 મિનિટે રાજુએ પોતાના શેઠ ભૂપતને ફોન કર્યો હતો અને રાત્રે 11.30 વાગ્યે રાજુ, ભૂપત, જીતુ અને કોન્સ્ટેબલ પ્રદ્યુમ્નસિંહના ફોન સ્વિચ ઓફ થઇ ગયા હતા.

પોલીસ કમિશનરે તાત્કાલિક એક્શન લીધી
રાત્રે 2 વાગ્યે ઇન્દોર અને રાજકોટ પોલીસ તરઘડિયાના ફાર્મમાં પહોંચી ત્યાં સુધીમાં જીતુ સોની નાસી ગયો હતો અને ભૂપત પણ ભૂગર્ભમાં ઉતરી ગયો હતો. સમગ્ર મામલાનો ‘દિવ્ય ભાસ્કરે’ પર્દાફાશ કરતાં પોલીસ કમિશનર મનોજ અગ્રવાલ ચોંકી ઉઠ્યા હતા અને આ મામલાની ઊંડાણથી તપાસ કરતાં પોલીસમેન પ્રદ્યુમ્નસિંહ ઝાલાની ભૂમિકા બહાર આવતા જ રવિવારે સાંજે તેને તાત્કાલિક અસરથી સસ્પેન્ડ કરી દીધો હતો. પોલીસ કોન્સ્ટેબલે ઇન્દોર પોલીસ આરોપીને પકડવા આવ્યાની ગુપ્ત માહિતી લીક કરી પોતે જ્યાં નોકરી કરે છે તે ડિપાર્ટમેન્ટ સાથે વિશ્વાસઘાત કર્યો હતો, કાયદાના નિષ્ણાતોએ કહ્યું હતું કે, આ મામલામાં કોન્સ્ટેબલ પ્રદ્યુમ્નસિંહ ઝાલા સામે ઓફિશિયલ સિક્રેટ એક્ટ હેઠળ રાજકોટમાં ગુનો નોંધી તેની સામે કાયદેસરની કાર્યવાહી થઇ શકે. પોલીસ કમિશનર આ મામલામાં પોલીસ કોન્સ્ટેબલ સામે ગુનો નોંધી દાખલો બેસાડશે કે સસ્પેન્ડ કરી કાર્યવાહી કરી લીધાનો સંતોષ માની લે છે તે આગામી દિવસોમાં સ્પષ્ટ થશે.

સાવરકુંડલા પાસેથી પકડાયો જીતુ સોની
અમરેલીઃ
બુધવારની રાત્રે રાજકોટથી ભાગેલો મોસ્ટ વોન્ટેડ જીતેન્દ્ર ઉર્ફે જીતુ જગજીવનદાસ સોની શનિવારે અમરેલી જિલ્લાના સાવરકુંડલા નજીકથી રંગેહાથ ઝડપાઇ ગયો હતો તેને ઇન્દોર લઇ જવાયો હતો જ્યાં ઇન્દોરના પોલીસ કમિશનરે પત્રકાર પરિષદ યોજીને જીતુ સોની ગુજરાતમાંથી ઝડપાયાની જાહેરાત કરી હતી. રાજકોટ નજીક ભૂપત ભરવાડના તરઘડિયા ગામની સીમમાં આવેલા ફાર્મહાઉસમાં હોવાની માહિતી ઇન્દોર પોલીસને મળી હતી. જો કે, ગત બુધવારે રાત્રે બે વાગ્યે રાજકોટ પોલીસને સાથે રાખીને દરોડો પાડ્યો ત્યારે જીતુ ભાગી છૂટ્યો હતો. ત્યારબાદ જીતુ અને તેના સાગરીતો અમરેલી પંથકમાં હોવાની માહિતી બાદ ત્યાંથી પકડી લેવાયા હતા.

…તો અમે ભૂપત અને કોન્સ્ટેબલને ઇન્દોર પોલીસ હવાલે કરીશું: CP
પોલીસ કમિશનર મનોજ અગ્રવાલે ‘દિવ્ય ભાસ્કર’ને જણાવ્યું હતું કે, ઇન્દોરના આરોપીને ભગાડવામાં રાજકોટના કોન્સ્ટેબલ પ્રદ્યુમ્નસિંહે ભજવેલી ભૂંડી ભૂમિકા દુખદ છે, ઇન્દોર પોલીસ જીતુ સોનીને આશરો આપવાના ગુનામાં ભૂપત ભરવાડ સામે તેમજ મદદગારીમાં કોન્સ્ટેબલ પ્રદ્યુમ્નસિંહ સામે ગુનો નોંધશે તો રાજકોટ પોલીસ ભૂપત અને પ્રદ્યુમ્નસિંહને પકડીને ઇન્દોર પોલીસ હવાલે કરશે.

ફરજ નહીં ભૂપતને વફાદાર રહ્યો ઝાલા
ક્રાઇમ બ્રાંચમાં બદલી થઇ ત્યારથી પ્રદ્યુમનસિંહ ઝાલાનો પરિચય ભૂપત ભરવાડ સાથે થયો હતો, અને તે ભૂપતના સંપર્કમાં હતો. ઇન્દોર પોલીસ જેને પકડવા આવી હતી તે આરોપીનું નામ ક્રાઇમ બ્રાંચના પીએસઆઇ પટેલ જાણતા નહોતા, આરોપી ક્યાં છુપાયો છે તે બાબતથી પણ તે અજાણ હતા, પરંતુ ઇન્દોર પોલીસની મદદમાં જવાની માહિતી મળતા પીએસઆઇ પટેલે તેના કોન્સ્ટેબલ પ્રદ્યુમ્નસિંહને પોલીસ સ્ટેશને આવવાનું કહેતાં જ પોલીસમેન પ્રદ્યુમ્નસિંહ સતર્ક થયો હતો, પોલીસ કોન્સ્ટેબલ જાણતો હતો કે, જીતુ સોની તરઘડિયામાં ભૂપતના ફાર્મમાં છુપાયો છે, અને ભૂપતને ખુશ કરવા તેણે ફોન કરી દીધો હતો.

જીતુ સોની રાજકોટમાં હોવાનું કેટલાક પોલીસ અધિકારીઓ જાણતા હતા
જીતુ સોનીને પકડવા માટે કેન્દ્રના બે નેતાઓએ સૂચના આપી હતી અને જે આરોપી સામે રૂ.1 લાખનું ઇનામ જાહેર કરાયું હતું તે જીતુ સોની ભૂપત ભરવાડના ફાર્મહાઉસમાં છૂપાયો હતો, ભૂપત સાથે શહેર પોલીસના અનેક અધિકારીઓને નિકટના સંબંધો છે. જીતુ સોની રાજકોટમાં હતો તે વાતની કેટલાક પોલીસ અધિકારીઓને જાણ હતી, જીતુ આરોપી છે અને તેણે આશરો લીધો છે તે વાતથી માહિતગાર પોલીસ અધિકારીઓએ શા માટે જીતુને સકંજામાં લઇને ઇન્દોર પોલીસને જાણ કરી નહીં?, ભૂપત સાથેના સંબંધો મહત્ત્વના હતા કે પોલીસ વિભાગ પ્રત્યેની વફાદારી? આવા અનેક સવાલો ઉઠ્યા છે.

(જયદેવ વરૂ, અમરેલી)

Download Dainik Bhaskar App to read Latest Hindi News Today


જીતુ સોની 56થી વધુ ગુનામાં ફરાર હતો (ફાઇલ તસવીર)

Related posts

14.31 લાખ સંક્રમિત, 82 હજારના મોત; 72 દિવસ પછી લોકડાઉન હટતા ચીનના વુહાનમાં ઉત્સવનો માહોલ

Amreli Live

આજે સવારે 10 વાગ્યે વડાપ્રધાનનું રાષ્ટ્રને સંબોધન કરશે, લોકડાઉન વધારવાની જાહેરાત કરી શકે છે; મોટો સવાલ- શું ટ્રેન-ફ્લાઈટ્સ શરૂ થશે?

Amreli Live

ગોવા પર્યટકો માટે ખૂલ્યું તો છે પણ ટ્રેન-બસ બંધ, 5 ફ્લાઇટ આવે છે, 4 હજાર હોટલમાંથી 160 ખૂલી

Amreli Live

4.26 લાખ કેસ; રાજસ્થાનમાં રિકવરી રેટ 77%, તે દેશમાં સૌથી સારો; ત્યારપછીના ક્રમે મધ્યપ્રદેશ અને બિહાર

Amreli Live

પેટ્રોલ-ડીઝલના ભાવ વધારાના વિરોધમાં કોંગ્રેસનું દેશભરમાં પ્રદર્શન, દિલ્હીમાં કાર્યકર્તાઓની અટકાયત

Amreli Live

અમેરિકામાં 24 કલાકમાં 2043ના મોત, ઈટાલીમાં ત્રણ મે સુધી લોકડાઉન વધારાયું; અમેરિકા કરતા ઈટાલીમાં 102 મૃત્યુઆંક વધારે

Amreli Live

89 હજારના મોત, એરલાયન્સ કંપની લુફ્થાંસાને દર કલાકે રૂ. 8.30 કરોડનું નુકસાન, સ્પેનના PMએ કહ્યુ-અમે મહામારીની ચરમ સીમા પર છીએ

Amreli Live

લોકડાઉન-4ની છૂટછાટ બાદ અમદાવાદ જિલ્લામાં કોરોનાનો ખતરો વધ્યો, 4 દિવસથી દરરોજ 10થી વધુ કેસ નોંધાયા

Amreli Live

પહેલી વખત વીડિયો કોન્ફરન્સ દ્વારા વડાપ્રધાન મોદીએ મંત્રીમંડળ સાથે કેબિનેટ બેઠક કરી

Amreli Live

3.81 લાખ કેસઃ દિલ્હીમાં પ્રાઈવેટ હોસ્પિટલમાં કોરોના સારવારના ભાવ ઘટાડાયા, 8થી 10 હજાર રૂપિયામાં આઈસોલેશન બેડ મળશે

Amreli Live

6.47 લાખ કેસઃ એક દિવસમાં વિક્રમજનક 22 હજારથી વધુ દર્દી વધ્યા,તમિલનાડુમાં કેસની સંખ્યા એક લાખને પાર

Amreli Live

એક દિવસમાં રેકોર્ડ 21 હજાર 317 કેસ નોંધાયા, ઝાયડસ કેડિલાને વેક્સીનના ક્લીનિકલ ટ્રાયલની મંજૂરી મળી, દેશમાં 6.26 લાખ કેસ

Amreli Live

17 લાખથી વધારે કેસઃ અમેરિકામાં 20,069 લોકોના મોત, જે દુનિયામાં સૌથી વધારે, ઇટાલીમાં અત્યાર સુધી 100 પાદરીઓએ પણ દમ તોડ્યા

Amreli Live

અમદાવાદ અને મુંબઇ સહિત 6 શહેરોથી કોલકાતા માટે 6થી 19 જુલાઇ સુધી ફ્લાઇટ્સ બંધ

Amreli Live

પહેલી વાર DivyaBhaskar દેખાડે છે, લેબમાં ડોક્ટર-સ્ટાફ કેવા જીવના જોખમે સેમ્પલને પ્રોસેસ કરે છે!

Amreli Live

મોરારિબાપુએ અયોધ્યા રામ મંદિરના નિર્માણમાં 5 કરોડ એકઠા કરવાની જાહેરાત કર્યા બાદ 16 કરોડની રકમ એકઠી થઈ

Amreli Live

એશિયન ડેવલપમેન્ટ બેન્કે કોરોના સંક્રમણ સામે લડવા માટે ભારતને રૂ. 11 હજાર કરોડની લોન આપી

Amreli Live

શહેરમાં આજે કુલ નવા 77 કેસ નોંધાયા, પોઝિટિવ કેસનો આંકડો 622 એ પહોંચ્યો, મૃત્યુઆંક 22 થયો

Amreli Live

આર્મી, CRPF અને પોલીસની ટીમે કુલગામ વિસ્તારમાં ચાર આતંકવાદીઓને ઠાર કર્યા

Amreli Live

રાજ્યમાં કુલ પોઝિટિવ દર્દી 3548, છેલ્લા 6 દિવસમાં રાજ્યમાં 1100 કેસ નોંધાયા અને 59ના મોત નીપજ્યાં

Amreli Live

લૉકડાઉનના 1 મહિનામાં તપાસ 24 ગણી, ચેપીનો આંકડો 16 ગણો વધ્યો

Amreli Live