25.9 C
Amreli
08/08/2020
કલેક્ટર ઓફિસ

ભારતમાં વધતા જઈ રહ્યા છે કોરોનાના કેસ, આંકડો 5 લાખને પાર

કોરોનાના કેસ 5 લાખ કરતા વધુ થયા

નવી દિલ્હીઃ દેશમાં કોરોનાની ઝડપ ઘટવાનું નામ લેતી નથી. છેલ્લા ઘણા દિવસોથી દરરોજ 15 હજારની આજુબાજુ કોરોનાના કેસ સામે આવી રહ્યા છે. કોરોનાના કેસનો આંકડો 5 લાખને પાર કરી ગયો છે. ભારતમાં શુક્રવારે 17 હજાર નવા કેસ સામે આવ્યા જેનાથી કુલ કેસ 5,06,972 થઈ ગયા છે. જ્યારે સ્વાસ્થ્ય મંત્રાલયના આંકડાઓ મુજબ આજે સવારે 8 વાગ્યા સુધી કોરોનાના કેસની સંખ્યા 4,90,401 હતી. દેશમાં કોરોના વાયરસથી સૌથી વધુ પ્રભાવિત રાજ્ય મહારાષ્ટ્ર, દિલ્હી અને તમિલનાડુ છે.

પાંચ લાખથી વધુ કેસ

www.worldometers.info મુજબ ભારતમાં આંકડો પાંચ લાખને પાસ પહોંચી ગયો છે. મહારાષ્ટ્રમાં છેલ્લા 24 કલાકમાં કોરોના વાયરસના 5 હજારથી વધુ કેસ સામે આવ્યા છે. જ્યારે રાજધાની દિલ્હીમાં 3460 નવા કેસા આવ્યા છે. રાજધાનીમાં કુલ સંક્રમિતોની સંખ્યા વધીને 77240 પહોંચી ગઈ છે. શુક્રવારે દિલ્હીમાં 2326 દર્દીઓને રજા આપવામાં આવી. અત્યાર સુધી દિલ્હીમાં 47091 લોકો સ્વસ્થ થઈ ચૂક્યા છે. જ્યારે 2492 દર્દીઓના મોત થયા છે. દિલ્હીમાં હાલ 27657 કેસ સક્રિય છે. આજે રાધા સ્વામી સત્સંગ વ્યાસ કોવિડ સેન્ટર પણ ચાલુ કરી દેવામાં આવ્યું છે. અહીં 10, હજાર બેડની ક્ષમતાવાળું સેન્ટર બનાવવામાં આવ્યું છે. તેની જવાબદારી આઈટીબીપીને સોંપવામાં આવી છે. આ સાથે રાજધાનીમાં આજે 21,144 ટેસ્ટ કરવામાં આવ્યા.

17000થી વધુ કેસ

કેન્દ્રીય સ્વાસ્થ્ય મંત્રાલયના આંકડાઓ મુજબ દેશમાં છેલ્લા 24 કલાકમાં કોરોની સંખ્યામાં સૌથી વધારે કેસ શુક્રવારે આવ્યા જ્યારે એક જ દિવસમાં 17,000થી વધુ કેસ સામે આવ્યા.

આ 10 શહેરોમાં સૌથી વધુ કેસ

સ્વાસ્થ્ય વિભાગના એક અધિકારીએ જણાવ્યું છે કે દિલ્હી, ચેન્નઈ, થાણે, મુંબઈ, પાલઘર, હૈદરાબાદ, રંગા રેડ્ડી, અમદાવાદ અને ફરીદાબાદ તે 10 જિલ્લાઓ અને શહેરો છે જ્યાં સૌથી વધારે કેસ સામે આવી રહ્યા છે. હાલ દેશમાં 1,89,463 દર્દીઓની સારવાર ચાલી રહી છે અને એક દિવસમાં 13,940 દર્દીઓ સ્વસ્થ થતાં તેમને રજા આપવામાં આવી છે. આમ સંક્રમણથી મુક્ત થનારા દર્દીઓની સંખ્યા 2,85,636 સુધી પહોંચી ગઈ છે.

સ્વસ્થ થનારા દર્દીઓના દરમાં પણ વધારો

મંત્રાલયનું કહેવું છે કે, ‘કોરોનાથી ઠીક થનારા દર્દીઓનો દર 58.24 ટકા થઈ ગયો છે.’ આઈસીએમઆરના જણાવ્યા અનુસાર 25 જૂન સુધી કુલ 77,76,228 નમૂનાઓની તપાસ કરવામાં આવી જેમાંથી 2,15,446 નમૂનાઓની તપાસ ગુરુવારે કરવામાં આવી. દેશમાં કોવિડ-19ની તપાસ માટેની લેબોરેટરીની સંખ્યા પણ વધારવામાં આવી અને છેલ્લા 24 કલાકમાં વધુ 11 નવી લેબનો સમાવેશ કરવામાં આવ્યો. ભારતમાં કુલ 1016 કોવિડ-19 લેબ છે જેમાંથી 737 સરકારી અને 279 ખાનગી લેબ છે.

મહારાષ્ટ્રમાં સૌથી વધુ મોત

છેલ્લા 24 કલાકમાં મોતના 407 મામલામાંથ 192 મહારાષ્ટ્રના છે. દિલ્હીમાં 64, તમિળનાડુમાં 45, ગુજરાતમાં 18, પશ્ચિમ બંગાળ અને ઉત્તર પ્રદેશમાં 12, હરિયાણામાં 10, મધ્ય પ્રદેશમાં 8, પંજાબમાં 7, કર્ણાટકમાં 6, તેલંગણામાં 5, રાજસ્થાનમાં 4 અને જમ્મુ-કાશ્મીરમાં બે લોકોના મોત થયા છે. છેલ્લા 24 કલાકમાં અરુણાચલ પ્રદેશ, હિમાચલ પ્રદેશ, ઉત્તરાખંડ અને ઝારખંડમાં 1-1 વ્યક્તિના મોત થયા છે.

અત્યાર સુધીમાં 15 હજાર લોકોના મોત

દેશમાં કોરોના મહામારીથી અત્યાર સુધીમાં 15,301 લોકોના મોત થઈ ચૂક્યા છે. જેમાં મહારાષ્ટ્રમાં 6,91, દિલ્હીમાં 2,429, ગુજરાતમાં 1,753, તમિળનાડુમાં 911, ઉત્તર પ્રદેશમાં 611, પશ્ચિમ બંગાળમાં 606, મધ્ય પ્રદેશમાં 42, રાજસ્થાનમાં 379 અને તેલંગણામાં 230 લોકોના જીવ ગયા છે. હરિયાણામાં અત્યાર સુધીમાં 198, કર્ણાટકમાં 170, આંધ્ર પ્રદેશમાં 136, પંજાબમાં 120, જમ્મુ-કાશ્મીરમાં 90, બિહારાં 57, ઉત્તરાખંડમાં 36, કેરળમાં 22 અને ઓડિશામાં 17 લોકોના મોત થયા છે. સ્વાસ્થ્ય મંત્રાલય મુજબ કોવિડ-19થી છત્તીસગઠ અને ઝારખંડમાં 12-12, આસામ, હિમાચલ અને પુડુચેરીમા 9-9, ચંદીગઢમાં 6, ગોવામાં બે અને મેઘાલય, ત્રિપુરા અને લદાખમાં 1-1 વ્યક્તિના મોત થયા છે. મંત્રાલયે કહ્યું કે, મોતના 70 ટકાથી વધુ મામલામાં દર્દી પહેલેથી કોઈ અન્ય બીમારીથી પીડિત હતો.

રાજ્યવાર આંકડા

મંત્રાલયના આંકડા મુજબ મહારાષ્ટ્રમાં અત્યાર સુધીમાં કોવિડ-19ના 1,47,741 કેસ સામે આવ્યા છે. તે ઉપરાંત દિલ્હીમાં 73,780, તમિળનાડુમાં 70,977, ગુજરાતમાં 29,520, ઉત્તર પ્રદેશમાં 20,193, રાજસ્થાનમાં 16,296 અને પશ્ચિમ બંગાળમાં 15,648 કેસ સામે આવી ચૂક્યા છે. મધ્ય પ્રદેશમાં કોવિડ-19ના કેસ વધીને 12,596 થઈ ગયા છે અને હરિયાણામાં અત્યાર સુધીમાં 12,463 કેસ સામે આવ્યા છે. તેલંગણામાં 11,364, આંધ્ર પ્રદેશમાં 10,884 અને કર્ણાટકમાં 10,560 કેસ સામે આવી ચૂક્યા છે. બિહારમાં અત્યાર સુધીમાં 8,473, જમ્મુ-કાશ્મીરમાં 6,549, આસામમાં 6,321 અને ઓડિશામાં 5,962 લોોક સંક્રમણનો શિકાર બન્યા છે. પંજાબમાં 4,769, કેરળમાં 3,726, ઉત્તરાખંડમાં 2,691, છત્તીસગઢમાં 2,452, ઝારખંડમાં 2,262, ત્રિપુરામાં 1,290, મણિુરમાં 1,056, ગોવામાં 95, લદાખમાં 941, હિમાચલ પ્રદેશમાં 839, પુડુચેરીમાં 502, ચંદીગઢમાં 423, નાગાલેન્ડમાં 355 અને અરુણાચલ પ્રદેશમાં 160 કેસ સામે આવ્ય છે. દાદરા નગર હવેલી અને દીવ-દમણમાં કુલ મળીને અત્યાર સુધીમાં 155 કેસ સામે આવ્યા છે. મિઝોરમમાં 145, સિક્કિમમાં 85, અંદમાન-નિકોબાર દ્વીપ સમૂહમાં 59 અને મેઘાલયમાં 46 કેસ સામે આવ્યા છે.


Source: iamgujarat.com

Related posts

LRD ભરતી વિવાદ: મહિલા ઉમેદવારોએ ફરીથી આંદોલનની ચીમકી ઉચ્ચારી

Amreli Live

કલોલના સાંતેજમાં આવેલી કેનાલમાં નહાવા પડેલા 2 યુવકો ડૂબ્યા, શોધખોળ ચાલુ

Amreli Live

નિષ્ણાતોના મતે અમદાવાદમાં ઘટ્યો કોરોના સંક્રમણ દર, આ જિલ્લાઓની સ્થિતિ ચિંતાજનક

Amreli Live

18 જૂન, 2020નું રાશિફળ: જાણો કેવો રહેશે તમારો આજનો દિવસ

Amreli Live

કોરોના રસીની મહાશોધમાં ભારતની આ 6 ટીમ છે આગળ, મળી શકે છે સફળતા

Amreli Live

શિક્ષણવિદો સાથે ચર્ચા બાદ સ્કૂલો ફરી શરૂ કરવા અંગે ભૂપેન્દ્રસિંહ ચુડાસમાએ કહી મહત્વની વાત

Amreli Live

મિત્ર સિંધિયાને મળ્યા પાયલટ, રાજસ્થાનની ગેહલોત સરકારનું બચવું મુશ્કેલ!

Amreli Live

’78 વર્ષમાં ન શીખવા મળ્યું તે…..’, લોકડાઉન વિશે અમિતાભ બચ્ચને કહી દીધી મોટી વાત

Amreli Live

મુસ્લિમ સાથે લગ્ન કરવાના લીધે ટ્રોલ થઈ રહી છે એક્ટ્રેસ, સહન ના થતાં આપ્યો જડબાતોડ જવાબ

Amreli Live

લુચ્ચા ચીનની દરેક ચાલ પર ભારતીય એરફોર્સની નજર, આક્રમક હુમલા માટે તૈયાર

Amreli Live

અમદાવાદ: ભાડુઆતની આત્મહત્યાના 6 મહિના બાદ મકાન માલિક સામે ગુનો નોંધાયો

Amreli Live

હવે, કો-ઓપરેટિવ બેંકો નહીં કરી શકે મનમાની, RBIના હાથમાં સોંપાઈ લગામ

Amreli Live

ફાર્મ હાઉસમાં ખેતી કરી રહ્યો છે સલમાન ખાન, ખેડૂતો માટે આપ્યો ખાસ મેસેજ

Amreli Live

અમદાવાદના બજારમાં સોનું ઓલ ટાઈમ હાઈ, 10 ગ્રામનો ભાવ 50,400 રૂપિયા

Amreli Live

સુશાંત સિંહ રાજપૂતે મોતના ત્રણ દિવસ પહેલા જ તમામ સ્ટાફનો પગાર ચૂકવી દીધો હતો

Amreli Live

આ ભાઈ PPE કિટ પહેરીને વેચી રહ્યો છે પાન-મસાલા

Amreli Live

ક્રાઈમ પેટ્રોલની આ ટીવી એક્ટ્રેસે કરી આત્મહત્યા, લોકડાઉનમાં થઈ ડિપ્રેશનનો શિકાર

Amreli Live

આ શનિવારથી અમદાવાદીઓને શાકભાજીની અછતનો કરવો પડી શકે છે સામનો

Amreli Live

અમદાવાદ: સગી દીકરીઓએ જ માતાના પ્રેમી સાથે મળીને તેની હત્યા કરી, ચોંકાવનારું છે કારણ

Amreli Live

Covid-19: દુનિયામાં નવા નોંધાતા કોરોના કેસમાં ભારતની ટકાવારી 12%

Amreli Live

દાવો: કોરોના વેક્સીન ટ્રાયલમાં આ દેશ સૌથી આગળ

Amreli Live